بالفيديو / مقداد السهيلي :”نحشم باش نقول أنا تونسي من كثر ما تذلينا.. وسأقدم على عمليات خطيرة”

 

كشف الفنان والنقيب السابق للموسيقيين مقداد السهيلي اليوم الثلاثاء 21 ديسمبر أن لقاءه مع الفنان لمين النهدي على هامش جنازة الراحل توفيق البحري أثمر عما أسماه ‘زلزالا مدويا’ لن ينتهي وسنمرّ إلى الحرب المعلنة “
وأضاف السهيلي بالقول: نحنا تحت سلطة دولة ما تحترمش الفنان و ماتقدروش و الدولة لا تريد فنا و لا مسرح و بالنسبة ليهم الفنان حاجة تافهة..
مؤكدا في ذات السياق… أحنا الفنانين نعيشوا في أصعب فترة نمروا بيها في حياتنا و مرضنا ماعاش نرقدوا في الليل من الحالة الرثة إلي أحنا فيها…
وأضاف مقداد السهيلي في تصريح لراديو ماد بالقول: أنا واحد من الناس سوف أقدم على عمليات خطيرة جدا وباش نجتمع مع مجموعة من الفنانين موافقيني في الرأي و باش يكون فما برشا تصعيد..
سوف نشن حربا ضد الجميع و خلي يدخلوني للحبس…
وتساءل السهيلي قائلا : بعد ما عملنا قانون الفنان وقفوا المجلس ما شأننا أحنا بمجلس النواب..
كيف يموتولكم 4 و إلا 5 فنانين منتحرين من الحالة إلي نعيشوا فيها تو تعرفوا شنوا عملتوا في الفنان و الموت ولات أرحم لينا..
وأضاف قائلا: حتى مسؤول ما يجاوب و حتى مسؤول ما يسمعك تعبونا، وأصبحت نحشم باش نقول أنا تونسي من كثر ما تذلينا قدام الدول الأخرى..
وختم مقداد السهيلي بالقول: باش نهبّطوا فيديو في 3 دقائق و كان ما نلقاوش ردّ تو تشوفوا شنعملوا..


الفيديو :

          

إضافة تعليق