إثر تصريحات بية الزردي في برنامج “jeu dit tt” على قناة الحوار التونسي، نشر نقيب الفنانين ماهر الهمامي مقطع فيديو من البرنامج أرفقه بتدوينة وجهها لبية الزردي متوعدا بإيقافها عند حدها، وقد نشرت النقابة بيانا دعت فيه الفنانين لمقاطعة برنامج أمين قارة.
وهذا ما نشره نقيب الفنانين :
تفرجو في 36 ثانية فقط، وشوفو الأخت مانعرش كيفاش نقدمها الإعلامية او الممثلة او المغنية بية الزردي، شوفو التصرف متاعها، وقلت الأحترام للفنانة زازا،!!!!!!
انا بتصرفك هذا تأكدت إلي انت عندك حقد كبير تجاه الفنانين(وبربي ماتقليش عندك برشا اصحاب فنانين)، عندك مدة وانت اي فنان يجيك للبرنامج او حتى في حواراتك ماتخليلوش، بديت بمشكلت كلاي، وراك انت الي بديتو باش هو رد الفعل، لين وصلت تعس علينا شكون خدم ليلة راس العام،…قلي وين ماشيا بهذا الكل، علاش توصل بيك تقطع تصويرة فنانة قدام الناس الكل وماعملتش حساب ولدها او امها او زوجها يتفرجو؟ عيب عليك عيب كبير…
لهذا انا نقلك ومن موقعي كنقيب وواجبي ندافع على اي فنان يتمس بالخايب، اني باش ناقفلك وقفة صحيحة ونوقفك عند حدك…والأيام بيننا…
ونطالب قناة الحوار وبرنامج jdt ومقدم البرنامج بالاعتذار الرسمي والفوري للفنانة زازا ومن كل الفنانين..
الفيديو :
