انستغراموز شيماء منصور تخرج عن صمتها و تقسم على المصحف ردا على اتهامات الحقائق الاربع :



“نعرف الي تونس كاملة تستنى فيا بش نخرج نحكي… التقرير متاع البرنامج راهو عليا أنا.. تاهميني بالتحيل… انتي يا حمزة البلومي علاش ما حكيتش على عرفك الي داخل خارج للحبس علاش ما حكيتش على مسابقات الsms الي في كل برنامج تحطوها و ما ريت حد ربح… أنا عالاقل قاعدة نربح في العباد الحمد لله يا ربي ربحت العباد السنا في 200 ايفون بالملاين فيهم الي استعملو فيهم الي باعو و استنفع وفرحت الناس.. أنا حتى امي و خويا و عايلتي الكل عندهم ايفونات… انا هاني عاملة الخير في حياتي انتي يا حمزة شنوا عامل في حياتك بخلاف الأفلام ندخل لڨوڨل ما نلقى شي.. .

أنا جاتني برشا هجومات من الزملاء من قبل و احنا 4 كعبات في البلاد على الانستغرام الي نخدمو في jeu concours بالصحيح و المتابعين صحاح ماهمش fake… أنا وصلو ضروني في الكونت متاعي و صارت حملة عليا و نحيت ظوافري باش انجم نبلوكي المتابعين الfake… هذا المصحف ان شاء الله ربي يطيح فيا كان أنا كذبت ولا تحيلت على حد.. و نوعدكم ثمه كونكور نهار الأربعاء و بش تربحو برشا مفاجآت و وعد مني ما عادش باش نخليكم تعملو follow لبرشا صفحات باش انقص لأقل من 70 باج…